Myrzahmetov QHR-dyń bıznes qaýymdastyǵynyń ókilderimen kezdesti

Kezdesý barysynda Jibek joly qorymen «QazAgro» holdınginiń aýyl sharýashylyǵy shıkizatyn qaıta óńdeý jobalaryn qarjylandyrý boıynsha ózara baılanysy, «CCIC «China Certification & Inspection Group» tobynyń aýyl sharýashylyǵy ónimderi men kásiporyndaryn sertıfıkattaýy máseleleri qaraldy, dep habarlaıdy primeminister.kz.

Wilmart, CITIC jáne COFCO syndy transulttyq 8 qytaılyq kompanııa ókilderimen aýyl sharýashylyǵy ónimderin qaıta óńdeý jobalaryn qarjylandyrýdy talqylaý barysynda A. Myrzahmetov AÓK-ke qatysty memleket saıasatynyń basym baǵyttaryn jáne Qazaqstandaǵy ınvestıtsııalyq ortany jaqsartýdyń jańa ádistemesin túsindirdi. Sonymen qatar, «China National Machinery IMP&EXP Corp» korporatsııasymen bıyl mamyrda Almatyda aýyl sharýashylyǵy mashınalaryna arnalǵan kórme uıymdastyrý jáne el aýmaǵynda mashına jasaý jáne jabdyqtaý zaýyttaryn turǵyzý boıynsha kelissózder júrgizildi.

Qytaılyq kásipkerlermen kezdesý sońynda «Azyq-túlik kelisim shart korporatsııasy» UK» Aktsıonerlik qoǵamymen «Asia Pacific Food Capital Co., Ltd.» jáne «Wilmart» kompanııalary arasynda ózara yntymaqtastyq jáne saýda boıynsha kelisimshartqa qol qoıý saltanaty bolyp ótti.