Myrzahmetov: Gektarlyq sýbsıdııalaý alynyp tastalady
ASTANA. QazAqparat - QR Premer-Mınıstriniń orynbasary - Aýyl sharýashylyǵy mınıstri Asqar Myrzahmetov Aqtóbe oblysyndaǵy AÓK-ti damytý týraly memlekettik baǵdarlamasynyń tujyrymdamasyn túsindirý barysynda sýbsıdııalaýdyń tıimdiligin arttyrý sharalary týraly aıtty, dep habarlaıdy atalǵan vedomstvo baspasóz qyzmeti.
Qoldanystaǵy júıe jemis-jıdek pen júzimdi (9,3 mlrd. teńge) gektarlyq sýbsıdııalaýǵa baǵyttalǵan.
«Biz 6,3 mlrd. teńgeni baý-baqsha men júzimge ınvestıtsııalyq sýbsıdııalaýǵa berýdi josparlap otyrmyz, sonyń nátıjesinde sýbsıdııa alýshylar sany 523-ke deıin artady. Qalǵan 3 mlrd. teńge qurama jem, kúrishti óńdeý, maıly daqyldar, qant óndirý, sirne jáne shıtti maqta ónimderine bólinedi»,- dedi Asqar Myrzahmetov.
30,4 mlrd. teńge gektarlyq sýbsıdııalaý boıynsha dándi-daqyl, burshaq dándiler, kartop, maqta ónimderine taratylady
Osynyń ishinde, 23,3 mlrd. teńge qurama azyq ónimderine, kúrishti óńdeýge, maıly daqyldarǵa, qant óndirý, shıtti maqtaǵa bóliný josparlanǵan. 4 mlrd. teńge tuqym sharýashylyǵyn sýbsıdııalaýǵa beriledi.
Qalǵan 13,1 mlrd. teńge mal azyǵy men óńdeıtin kásiporyndardyń satyp alatyn baǵasyna gektarlyq sýbsıdııalaý bólinedi.
Kókónister boıynsha 1 ga aýmaqqa bólinetin 4,8 mlrd. teńge myna tártippen bólinedi: 1,7 mlrd. teńge tuqym sharýashylyǵyna, 3,1 mlrd. teńgeni jylyjaı shyǵyndaryna bólý qarstyrylǵan.
«Sýbsıdııalaýdyń osylaı bólinýi aýyl sharýashylyǵy taýar óndirýshileriniń 5000-ǵa deıin kóbeıýine, tuqym sapasy men ónim kólemi artýyna oń áserin tıgizedi»,- dedi A.Myrzahmetov.
