Myrzaǵalıev: Ekologııalyq tólemder bıýdjetti toltyrýǵa ǵana aýdarylyp jatyr

NUR-SULTAN. QazAqparat – Ekologııa, geologııa jáne tabıǵı resýrstar mınıstri Maǵzum Myrzaǵalıev keıbir óńirler ekologııalyq tólemnen túsetin qarajattyń 10 paıyzyn ǵana maqsatty jumsaıtynyn málim etti, dep habarlaıdy QazAqparat tilshisi.

«Qoǵam ókilderi men halyqaralyq sarapshylar ekologııalyq tólemderden túsetin qarajattyń ekologııalyq maqsatqa jumsalmaıtynyn jıi aıtady. Rasynda da, ekologııalyq tólemder qazirgi tańda qorshaǵan ortany qorǵaý úshin emes, bıýdjetti toltyrýǵa aýdarylyp jatyr. ıAǵnı ol qarajat kóbinese qorshaǵan ortany jaqsartýǵa baǵyttalmaı jatady. Bıýdjetke ekologııalyq tólemderden túsken qarajattyń 45 paıyzyn ǵana jergilikti atqarýshy organdar qorshaǵan ortany jaqsartýǵa bólip jatady. Al keıbir óńir tipti, bul somanyń 10 paıyzyn ǵana bóledi», - dedi Maǵzum Myrzaǵalıev búgin Ortalyq kommýnıkatsııalar qyzmetinde ótken halyqqa onlaın esep berý barysynda.

Mınıstrdiń aıtýynsha, osyǵan baılanysty jańadan qabyldanatyn Ekologııa kodeksiniń kómegimen ekologııalyq tólemderden túsetin qarajatty tolyǵymen qorshaǵan ortany jaqsartýǵa aýdarý josparlanyp otyr.