Myrzaǵalı Aıtjanov Túrkistan oblysynda boksty damytýdy qolǵa alady
ASTANA. QazAqparat - Búgin Túrkistan oblysynyń ákimi Janseıit Túımebaev bokstan QR ulttyq qurama komandasynyń bas jattyqtyrýshysy Myrzaǵalı Aıtjanovty qabyldady, dep habarlaıdy oblystyq ákimdiktiń baspasóz qyzmeti.
Ekeýara áńgimede Myrzaǵalı Qulanuly óńir basshysyna el quramasynyń qazirgi ýaqytta atqaryp otyrǵan jumysy men Túrkistan oblysynda boks sport túriniń damýy týraly baıandady. Sonymen birge, ol óziniń atqaryp otyrǵan jumysyn aldaǵy ýaqytta Túrkistan oblysymen baılanystyryp, ary qaraı jalǵastyratynyn, sondaı-aq Túrkistan oblysynda boks sportynyń jan-jaqty damýyna qoldaý bildiretinin málimdedi.
"Men burynǵy Ońtústik Qazaqstan, qazirgi Túrkistan oblysy Saıram aýdanynyń týmasymyn. ıAǵnı, osy oblystyń týmasy retinde aıanbaı eńbek etýim kerek. Osy ýaqytqa deıin jınaǵan bar múmkindigimdi, tájirbıemdi oblystaǵy boks sportyna den qoıǵan jastar men jasóspirimderge baǵyttap, perzenttik paryzymdy oryndaǵym keledi",- dedi M.Aıtjanov.
Suqbat barysynda oblys basshysy elimizdiń bas jattyqtyrýshysyna azamattyq jasaǵany úshin shynaıy alǵysyn aıtyp, aldaǵy ýaqyttaǵy josparlaryna jan-jaqty qoldaý bildiretinin, sondaı-aq oblystaǵy dene shynyqtyrý jáne sport salasyn kúndelikti baqylaýda ustaıtynyn jetkizdi.
Kezdesý sońynda, óńir basshysy kezdesýge qatysqan oblystyq dene shynyqtyrý jáne sport basqarmasy basshynyń mindetin atqarýshy A.Berdashevqa Elbasynyń Joldaýynda kórsetilgen dene shynyqtyrý jáne sport salasyna qatysty baǵyttar boıynsha birqatar naqty tapsyrmalar berdi.
