Myrzaǵalı Aıtjanov: Levıt Savonnan jeńilgen joq
ASTANA. QazAqparat - Qazaqstan ulttyq quramasynyń bas bapkeri Myrzaǵalı Aıtjanov Gambýrgte bokstan ótip jatqan álem chempıonatynda qola medalge ıe bolǵan Vasılıı Levıttiń sońǵy kezdesýine qatysty pikirin bildirdi, dep habarlaıdy «QazAqparat» HAA tilshisi.
«Vasılıı Levıttyń aıqasy boıynsha Olımpıadadaǵy oqıǵa qaıtalanyp jatyr. Kezinde Tışenkoǵa berilse, bul joly Savonǵa jeńis berilip ketti. Negizi Savonmen kezdesýde 1-raýndtan tys 2 jáne 3 raýndta taza Levıt jeńgen bolatyn», - deıdi Myrzaǵalı Aıtjanov.
Eske sala ketsek, keshe, ıaǵnı 31 tamyzda 91 kelige deıingi salmaqta Qazaqstannyń namysyn qorǵaýǵa barǵan qazaqstandyq boksshy Vasılıı Levıt tóreshilerdiń sheshimimen kýbalyq Erıslandı Savonnan 3:1 esebimen jeńilip qalǵan bolatyn. Savon aqtyq básekede reseılik Tışenkomen qolǵa túıistiredi.
