Myrzaǵalı Aıtjanov bokstan álem chempıonatyna daıyndyq týraly aıtyp berdi
Qazaqstan boks federatsııasynyń áleýmettik jelidegi paraqshasynda Tashkentte ótetin álem chempıonatyna daıyndyqtyń alǵashqy oqý-jattyǵý jıyny aıaqtalǵany aıtylǵan.
Bokstan Qazaqstan erler quramasy kelesi jıyndy 19 sáýirde bas bapker Myrzaǵalı Aıtjanovtyń jetekshiligimen ótkizedi.
«Álem chempıonaty aldyndaǵy oqý-jattyǵýdyń sońǵy kezeńi elimizdegi «Alma-Taý» bazasynda ótedi. Ol jerde birikken oqý-jattyǵý jıyny bolady. Avstralııa, Fılıppın, Armenııa, Tájikstan elderiniń sportshylary bizben birge birikken jattyǵý jıynyn ótkizedi. Onyń barysynda arnaıy sheberlikke, taktıkaǵa erekshe mán beremiz. Sol jerden 29 sáýirde Tashkentke attanamyz. 30 sáýirde jarystyń jerebesi tartylady. Al 1-14 mamyr aralyǵyndaǵy álem chempıonatyna bokstan ulttyq qurama komandasy qatysady», - dedi Myrzaǵalı Aıtjanov.
Onyń aıtýynsha, elimizdegi oqý-jattyǵý jıynynyń orta kezinde jarysqa qatysatyn boksshylardyń tizimi jarııalanady.
Aıta keteıik, bıyl Myrzaǵalı Aıtjanov bokstan Qazaqstan erler quramasynyń bas bapkeri bolyp taǵaıyndaldy.
30 sáýir men 14 mamyr aralyǵynda Ózbekstannyń Tashkent qalasynda bokstan álem chempıonaty ótedi.
