Myrzaǵalı Aıtjanov: Birikken jattyǵýlardan úırenerimiz óte kóp
ASTANA. QazAqparat - Almatydaǵy AIBA akademııasynda Qazaqstan quramasy AQSh jáne Germanııa boksshylarymen birikken oqý-jattyǵý jıyndaryn ótkizip jatyr.
Bul týraly QazAqparat tilshisine bokstan Ulttyq quramanyń bas bapkeri Myrzaǵalı Aıtjanov málim etti.
«Qazir Almatyda AIBA akademııasynda AQSh jáne Germanııa boksshylarymen birikken oqý-jattyǵý jıyndaryn ótkizip jatyr. AQSh-tan -7, Germanııadan 17 boksshy keldi. Eki jattyǵýymyz ótti. Endi ekeýi qaldy. Alǵashqy eki jattyǵýda boksshylar toǵyz raýndtyq jekpe-jekpen saıysyp kórdi. Endi erteń jáne juma kúnderi taǵy jattyǵý jumystaryn ótkizemiz. Olardyń jattyǵý máneri bizden ózgeshe. Al bizdiki olarǵa ózgeshe kórinedi. Bul birikken jattyǵýlardan olardyń da, bizdiń de úırenerimiz óte kóp. Bul boksshylarymyz úshin asa mańyzdy», - dep atap ótti bas bapker.
