Myńjyldyqtyń eń baı adamdarynyń qatarynda ımperator Nıkolaı ІІ esimi ataldy
ASTANA. 18 qazan. QazAqparat - Haıdarabad knıazdiginiń 1911-1948 jyldar arasynda el basqarǵan sońǵy bıleýshisi Osman Álı Khan álemdegi eń baı úndilik bolyp ataldy.
Onyń dáýleti búgingi esepterge qaraǵanda 236 mıllıard dollardy quraǵan, dep habarlady ITAR-TASS agenttigi jergilikti «Hındý» gazetine silteme jasap.
Ol álemdegi eń baı adamdar tiziminde altynshy orynǵa ıe boldy. Al besinshi orynǵa ınflıatsııany esepke alǵanda 300 mıllıard dollar dáýlet jıǵan reseı ımperatory Nıkolaı ІІ shyqty.
Myńjyldyqtyń eń baı adamy retinde XIV ǵasyrda ortaǵasyrlyq Malı memleketin basqarǵan joǵarǵy bıleýshi Mansak Mýsa ataldy. Ol 1324 jyly 60 myńnan astam nókerlerimen birge qajyǵa barǵan. Búgingi kúnge shaqqanda onyń baılyǵy 400 mlrd. dollarǵa baǵalanyp otyr.
Álemniń eń baqýatty adamdarynyń tiziminde nemis bankıri Maıer Amshel Rotshıld pen kásipker Djon Devıson Rokfeller, ónerkásipshi Endrıý Karnegı, Anglııa koroli Vılgelm І, Lıvııanyń burynǵy basshysy Mýammar Kaddafı, avtomobıl jasaýshy Genrı Ford jáne keme ıesi Kornelıýs Vanderbıld bar.
Álemdegi 25 baı adamnyń úsheýi ǵana - amerıkandyqtar Bıll Geıts pen Ýorren Baffet, meksıkandyq Karlos Slım búgingi tańda jer basyp júr.
