Myńnan astam jumys ornyn ashqan kásipker «100 jańa esim» qataryn tolyqtyrdy
1997 jyly álemdik naryqqa astyq shyǵaratyn Raimbek-Grain kompanııasyn qurǵan kásipkerdi otandyq bıznestiń «alǵashqy qarlyǵashtarynyń» biri deýge bolady. Qajyrly eńbektiń arqasynda eki jyldyń ishinde onyń kompanııasy álemdik astyq naryǵynyń 80% aınalymyn retteıtin GAFTA-ǵa múshe bolady. Bıznesiniń tasy órge domalap, qanaty qataıǵan soń Tarı Batalov aýylsharýashylyq ónimderin qaıta óńdeý salasyn damytýǵa kúsh saldy. Osylaısha jańa óndiris oryndaryn qurdy.
Sol kezdegi shaǵyn kompanııa búginde ASTAGRA deıtin iri holdıngke aınaldy. Onyń quramyna jyldyq aınalymy shamamen bir jarym mıllıon tonna astyqty qamtıtyn 12 elevator, astyq tasymaldaýǵa arnalǵan 500-den astam jabyq vagony bar temirjol parki jáne ósimdik maıy men ósimdiktiń ózin tasymaldaýǵa arnalǵan tsısternalar kiredi.
ASTAGRA usynatyn jarma ónimderi Barilla, De Cecco jáne MAKFA sııaqty álemdegi eń iri óndirýshilerge satylady. Sonyń arqasynda 1000-nan astam jumys orny quryldy.
«Jaqyn arada makaron fabrıkasy men ónimdi jóneltýge arnalǵan konteınerlik qurǵaq port paıdalanýǵa beriledi. ASTAGRA kompanııalar toby qatty bıdaı, arpa, zyǵyr tuqymdary, óńdelgen ónimderdi eksporttaıtyn jetekshi kompanııalardyń biri bolyp tabylady. Jyl saıyn 60-tan astam kemeni jaldaı otyryp, birinshi deńgeıli marksheıderlik kompanııalarmen jáne iri keme ıelerimen yntymaqtastyq ornattyq», - deıdi kásipkerdiń ózi.
Tabysty kásipker otbasyna da tıisti ýaqyt bólýdi ádetke aınaldyrǵanyn aıtady. Úsh balanyń tárbıesine jáne ózin-ózi damytýǵa kóp kóńil bóledtin kórinedi. Aǵylshyn tilin jetik meńgerýi sonyńn dáleli desek te bolady. Taıır Batalov jyldar boıy tabysty kásip júrgizýine saýda men aýylsharýashylyǵyndaǵy jańa tendentsııalardy zerttep, holdıngtiń josparyn sol ózgeristerge beıimdeı bilýimen baılanystyrady.
Foto: margin.kz
