Myńnan astam jańa balyq sharýashylyǵy qurylady - mınıstr

ASTANA. QazAqparat - Elimizde balyq ósirý sýbektileriniń 380-ge jetti. Bul týraly búgin Úkimet otyrysynda QR Ekologııa, geologııa jáne tabıǵı resýrstar mınıstri Serikqalı Brekeshev aıtty, dep habarlaıdy QazAqparat tilshisi.

Onyń aıtýynsha, Balyq salasyn damytý baǵdarlamasynyń arqasynda bıznestiń iskerlik belsendiligi arta bastady. Mysaly, 2020 jylmen salystyrǵanda balyq ósirý sýbektileriniń sany 2 esege ósip, 380-ge jetti. Ósirilgen balyq kólemi 5 jyl ishinde 3 myń tonnadan 5 ese artyp, 15 myń tonnaǵa deıin ósti.

«Qazir myńnan astam jańa sharýashylyq qurý josparlanýda. Onyń 47-si iri bıznes túri, al ınvestıtsııanyń jalpy kólemi - 150 mlrd teńge quraıdy. Memlekettik qoldaý is-sharalaryn kúsheıtý Memleket basshysynyń Almaty jáne Atyraý oblystary turǵyndarymen kezdesý barysynda bergen tapsyrmasyna sáıkes pysyqtalýda», - dedi Serikqalı Brekeshev.

Mınıstr bıznes úshin qolaıly jaǵdaı jasaýdyń zańnamalyq negizi «Akvaósirý týraly» zań jobasynda qarastyrylatyndyǵyn aıtady.

«Zań tujyrymdamasy qyrkúıekte vedomstvoaralyq komıssııada bekitildi. Zań jobasyn Parlamentke 2023 jyldyń qarasha aıynda engizý josparlanýda», - dedi ol.

Foto: t.me/KZgovernment