Myńnan astam totyqus Taıvan áýejaıynda qyrylyp qaldy
ASTANA. QazAqparat - Taoıýan halyqaralyq áýejaıy jergilikti qyzmetkerlerdiń salǵyrttyǵynan totyqustar jappaı qyrylǵan orynǵa aınaldy, dep habarlady Taıvan halyqaralyq radıosy.
Olar janýarlardy tasymaldaý úderisin buzyp, jabyq konteınerlerde ystyqta qustardy qaldyrǵan. Saldarynan qustardyń denesi qyzyp ketken.
Sonymen qatar eki mysyq pen ıt óldi. Olar China áýe kompanııasynyń reısine tıelýi tıis on konteınerge totyqustarmen birge ornalastyrylǵan.
Janýarlardy resimdeý úderisi josparlanǵannan tezirek ótti jáne konteınerler ystyqta kóp ýaqyt turyp qaldy. Erejege sáıkes janýarlardy ushaq jóneltilgenge eń kóbi jarty saǵat qalǵanda konteınerge ornalastyrý kerek. Oǵan deıin bolmaıdy.
Totyqustardyń qyrylýyna kináli tulǵalar aıyppul tóleýi múmkin.
