Myńnan astam otbasy «Nurly jer» aıasynda arzan ıpoteka aldy
Kelesi jyly baǵdarlama arqyly 105 mlrd teńgege 7 myń adam ıpotekalyq qaryz alýǵa ótinim bere alady.
«Nurly jer» baǵdarlamasy boıynsha ıpotekalyq qaryzdardy sýbsıdııalaýda qaryz alýshyǵa, bastapqy turǵyn úıdi satyp alý barysynda sońǵy mólsherlemesin jyldyq 10%-ben berýdi qarastyrady. Ondaǵy aıyrmashylyq baǵdarlama talaptaryna sáıkes, Qazaqstan Ipotekalyq Kompanııasy arqyly memleket qarajatymen óteledi», - dedi «Qazaqstan Ipotekalyq Kompanııasy» IU» AQ Basqarma tóraǵasy Ádil Muhamedjanov Ortalyq kommýnıkatsııalar qyzmetinde ótken baspasóz máslıhatynda.
Ipotekalyq kompanııa ókiliniń aıtýynsha, bıylǵy jyldyń 15 jeltoqsanyna deıin 12,3 mlrd teńge somasyna 1209 ótinim kelip túsken jáne onyń 12 mlrd teńgesi (98%), ıaǵnı 1180 ótinim maquldanǵan. Baǵdarlama Qazaqstannyń barlyq óńirlerin qamtyǵan.
Sondaı-aq, baǵdarlama sheńberinde barlyǵy 120 mlrd teńge somasyna 8 000 qaryz, onyń ishinde 2017 jyly - 15 mlrd teńgege 1 000 qaryz jáne 2018 jyly - 105 mlrd teńgege 7 myń qaryz berý josparlanyp otyr.
Taǵy bir aıta keterligi, ıpotekalyq turǵyn úı qaryzdary syıaqysynyń bóligin sýbsıdııalaý baǵdarlamasy iske asyrylǵaly beri maýsym aıynan bastap ıpotekalyq naryqtyń jandanǵany baıqalady - kommertsııalyq bankter (Qazaqstannyń turǵyn-úı qurylys jınaq bankin esepke almaǵanda) 2016 jylmen salystyrǵanda ıpotekalyq nesıelerdi berý kólemin 51%-ǵa arttyrǵan.
«Halyq tarapynan sýbsıdııaǵa degen suranys artyp otyr, ekinshi deńgeıli bankter de Baǵdarlamaǵa qatysýǵa qyzyǵýshylyǵyq tanyta bastady. Búginde «Bank TsentrKredıt» AQ, «Sberbank» AQ EB, «Bank VTB» AQ, «ATF Bank» AQ, «Nurbank» AQ jáne «Turǵyn úı qurylys jınaq banki» AQ (jeke turǵyn úı qurylysyn damytý) qaryz berip jatyr. Jyl sońyna deıin bul qatarǵa «Tsesna Bank» AQ qosylýy múmkin. Al kelesi jyly «Qazaqstan Halyq Banki» AQ, «Forte Bank» AQ, «Bank Kassa Nova» AQ , «Tengri Bank» AQ, «AsiaCredit Bank (AzııaKredıt Bank)» AQ, «Qazaq Banki» AQ Baǵdarlamaǵa qatysýdy josparlap otyr», - dep óz sózin túıindedi Á.Muhamedjanov.
