Myńnan astam aqmolalyq aıyppuldaryn 50 paıyz jeńildikpen ótedi
KÓKShETAÝ. QazAqparat - Aqmola oblysynda 1200 adam tártip saqshylary júrgizgen «Boryshker» jedel aldyn alý sharasy barysynda 50 paıyz jeńildikpen aıyppuldaryn ótedi, dep habarlaıdy QazAqparat tilshisi.
ІІD baspasóz qyzmetiniń málimeti boıynsha, aldyn alý sharasy 26 aqpanda bastalyp, úsh kún boıy jalǵasty. Osy aralyqta quqyq qorǵaý organdary 5 myńǵa jýyq aqmolalyqqa tólenbegen aıyppuly bar týraly eskertpe joldaǵan. 1200 adam osy múmkindikti paıdalana otyryp, 50 paıyz jeńildikpen aıyppuldaryn ótegen. «Boryshker» jedel aldyn alý sharasy ótken 3 kúnniń ishinde bıýdjetke 24 mıllıonnan astam teńge kiris tústi. Polıtseıler aıyppuldy barlyq bank mekemelerinde jáne elektrondy úkimet portaly arqyly óteýge bolatynyn eskertýde.
«Jol qozǵalysy erejesin buzǵany úshin salynǵan aıyppuldy 7 kúnniń ishinde 50 paıyz jeńildikpen óteýge bolady. Al odan kóp ýaqyt asyp ketse, 30 kún qosymsha 10 kúnniń ishinde aıyppuldy tolyq kólemde óteýi tıis. Eger osy kezde tólenbese, onda ІІB qyzmetkeri taǵy qosymsha 10 kún kútedi (aıyppul tólenip, biraq tólem áli jetpegen bolsa), osydan keıin ǵana isti jeke sot oryndaýshysyna joldaıdy. Sol kezde, adam aıyppuldy tolyq ótep qana qoımady, jeke sot oryndaýshysyna onyń 25 paıyzyna jýyq kóleminde qosymsha aqsha tóleıdi», dep kórsetilgen habarlamada.
