Myńnan asa qazaqstandyq onlaın-volonter ıÝNISEF-tiń naýqanyn qoldady
«BUU-nyń Balalar Qory (ıÝNISEF) «Ulttyq volonterlik jelisimen» birlese otyryp, AQSh-tyń halyqaralyq damý agenttiginiń (USAID) qarjylyq qoldaýymen COVID-19 taralýyn aldyn alý jáne karantın kezindegi jastardyń densaýlyǵyn qoldaýǵa baǵyttalǵan onlaın-volonterlik baǵdarlamasynyń birinshi kezeńin júzege asyrdy. #PaıdasyBarKarantın naýqany aıasynda jas volenterler apta saıyn ártúrli taqyryptar boıynsha oqytý vebınarlaryna qatysady: karantın kezindegi qaýipsizdik, fakt-chekıng jáne koronavırýs týraly dezınformatsııany anyqtaý tásilderi, emotsıonaldy densaýlyqty qoldaý, stresske qarsy turý jáne taǵy basqa taqyryptar. Oqý barysynda alǵan bilimderimen aınalasyndaǵy adamdarmen ári qaraı bólisý maqsatymen jastarǵa ártúrli tapsyrmalar beriledi», - delingen habarlamada.
Atap aıtqanda, naýqandy Qazaqstannyń barlyq aımaqtaryndaǵy 14 pen 40 jas aralyǵyndaǵy 1500-ge jýyq adam qoldady. Aldyn ala esep boıynsha, bul bastamanyń arqasynda eriktiler búkil Qazaqstan boıynsha shamamen 400 000 adamdy qamtýy múmkin.
«Volonterlik sharalar maǵan kún saıyn qoǵam men álemge óz úlesimdi qosýǵa múmkindik beredi. Bul qadamdar adamdarǵa kómektesý úshin daǵdylar men bilimimdi paıdalanýǵa jol ashady. Men ıÝNISEF-tiń bul baǵdarlamasy jastarǵa karantınge baılanysty týyndaǵan stressti jeńýge jáne bolyp jatqan jaǵdaıdyń jaqsy jaqtaryn kórýge kómektesetinine shyn júrekten senemin», - dedi 19 jastaǵy onlaın-volonter Aıda.
Sonymen qatar, COVID-19-ǵa qatysty aqparattan basqa, naýqanǵa qatysý arqyly jastar bolashaqta múmkindikterin keńeıtýge kómektesetin túrli taqyryptar aıasynda jańa daǵdylardy úırenýde.
«Biz osy volenterlik baǵdarlamasy aıasynda qatysyp júrgen jastardyń sanynyń artyp kele jatqandyǵyna óte qýanyshtymyz. Baǵdarlama koronavırýsqa baılanysty jaǵdaı paıda bolǵanǵa deıin iske qosylǵan bolatyn. Alaıda jańa jaǵdaılardy eskere otyryp, biz baǵdarlamany onlaın formatqa kóshirdik. Búginde biz bul jańa baǵdarlamanyń jastardyń qyzyqtyratynyn kórip otyrmyz, belsendi qatysý arqyly olar úıden shyqpaı-aq, COVID-19-ǵa qarsy kúreste óz úlesterin qosýda. Aıta ketsek, 2020 jyl - volonterler jyly. Sondyqtan bul shara atalǵan jobany bastaý turǵysynda bizdi jigerlendirdi», - dedi ıÝNISEF-tiń Qazaqstandaǵy ókili Artýr van Dızen.
