Myńǵa jýyq qazaqstandyq týrıster túrik qonaqúılerinen shyǵarylýy múmkin - T. Dúısenǵalıev
ASTANA. QazAqparat - Myńǵa jýyq qazaqstandyq týrıster Tengri Travelsystem týroperatorynyń qyzmetin toqtatýyna baılanysty Túrkııadaǵy ornalasqan qonaqúılerinen shyǵarylýy múmkin.
Bul týraly Astanada ótken brıfıng barysynda QR Investıtsııalar jáne damý mınıstrliginiń Indýstrııa jáne týrızm departamentiniń dırektory Tımýr Dúısenǵalıev aıtty.
«Ózderińiz bilesizder, búgin túnde qazaqstandyq iri týroperator Tengri Travelsystem óz qyzmetin toqtatty. Kompanııanyń jetekshisi Eýropaǵa ketip qaldy. Bizdiń málimetterimiz boıynsha, atalǵan týroperator Túrkııadaǵy seriktesterine kelisilgen qarajatty tolyq tólemegeni úshin sol elde demalyp jatqan bizdiń 600-den 1000-ǵa jýyq otandastarymyz turyp jatqan qonaq úılerinen shyǵyrylýy múmkin. Bul óte qıyn jaǵdaı. Mundaı jaǵdaı bolady dep eshkim oılamaǵan, óıtkeni kompanııa «Air Astana»-men kelisimge otyryp, onda depozıtter salǵan bolatyn. Kompanııa búkil Qazaqstan boıynsha ondaǵan týragenttiktermen kelisimge otyrǵan. Qazirgi ýaqytta mınıstrlikte arnaıy shtab quryldy. jýyq aradaǵa jaǵdaıǵa baılanysty barlyq málimetterdi jarııalaımyz", - dedi ol.
T.Dúısenǵalıevtiń aıtýynsha, Antalııadaǵy Qazaqstannyń konsýldyǵy jaǵdaımen tolyq aqparattandyrylǵan. Qazir mınıstrlik Qazaqstannyń barlyq óńirlerindegi týragenttikterden málimetter jınap, Túrkııada atalǵan kompanııanyń qyzmeti arqyly demalyp jatqan azamattardyń naqty sany qansha ekenin anyqtaýda. Sonymen qatar, mundaı jaǵdaıdyń aldyn alý jumystary da atqarylyp jatyr.
Aıta keteıik, jýyrda TengriTravelsystem týrıstik fırmasy óz saıtynda jumysyn toqtatatyny týraly habarlaǵan bolatyn.
