Myńǵa jýyq almatylyq alǵashqy kúzgi velojarysqa qatysty
ASTANA. QazAqparat - Búgin Almatyda «Sporttyq Almaty» aýqymdy baǵdarlamasy aıasynda birinshi kúzgi velojarys ótti. Ońtústik astananyń velosportty súıetin shamamen myńǵa jýyq turǵyny 9 shaqyrymǵa jýyq jarys jolymen júrip ótti, dep habarlady Almaty qalalyq dene tárbıesi jáne sport basqarmasynan.
Dástúrli velojarys saǵat 9-00-de «Nurly taý» bıznes ortalyǵynyń aýmaǵynan bastalyp, jarysqa qatysýshylar Ál-Farabı dańǵylyǵymen joǵary qaraı órlep, Jarokov kóshesine deıin jetken soń keri buryldy. Sodan keıin Ál-Farabı kóshesimen tómen túsip, máre syzyǵy belgilengen «Suńqar» halyqaralyq tramplın keshenine jetti. Máre syzyǵynda jarysqa qatysýshylar arasynda baǵaly syılyqtar men júldeler oınatyldy.
Esterińizge sala keteıik, dástúrli velojarys «Sporttyq Almaty» aýqymdy qalalyq baǵdarlamasy aıasynda megapolıste buqaralyq sport pen belsendi sporttyq demalysty nasıhattaý úshin ótkiziledi.
