Myńǵa tarta qytaılyq Vetnam shekarasyna jaqyn mańda polıtsııaǵa shabýyl jasady
ASTANA. 9 jeltoqsan. QazAqparat - Myńǵa jýyq qytaılyq Vetnam shekarasyna jaqyn jatqan Dýnsın qalasynda polıtsııamen bolǵan qaqtyǵysqa qatysty,
dep habarlaıdy France-Presse agenttigi.
Quqyq qorǵaýshylardyń aıtýynsha, qaza bolǵandar men jaraqat alǵandardyń sany júz adamnan asty. Jappaı tártipsizdik jergilikti polıtsııanyń boljaldy kontrabandashyǵa qatygezdik kórsetkennen keıin halyqtyń narazylyǵynan týyndaǵan. Tártipsizdikke qatysqan adamdardyń sany jóninde túrli derekter bar. Bıliktiń málimetterinshe, shamamen myńǵa tarta adam narazylyq aktsııasyna qatysýda, onyń az bóligi ǵana tártipsizdikterge boı aldyrǵan. Gonkongta ornalasqan adam quqyqtaryn qoraý jáne demokratııa ortalyǵy habarlaǵanyndaı, búlikshilerdiń sany myńǵa jýyqtaıdy, polıtsııa men keden qyzmetiniń 20-dan astam kóligi órtelgen.
Tolqý juma kúni, 7 jeltoqsanda Dýnsın kósheleriniń birinde polıtsııa kóligi boljaldy kontrabandashynyń mototsıkline soqtyǵysyp, keıin ony ustap alyp ketpek bolǵannan soń bastaldy. Jergilikti halyqqa polıtsııanyń áreketteri unamaǵan bolsa kerek. Qala prefektýrasynyń habarlaýynsha, tártipsizdikter kezinde tek 5 polıtseı jaraqat alyp, 9 kólik janyp ketken.
Dýnsın Qytaıdyń ońtústiginde Vetnam shekarasy mańynda ornalasqan. Qalalardaǵy tártipsizdikter QHR-da jıilep ketti. 2010 jyly zertteýshiler bul elde 180 myńǵa tarta búlik pen tártipsizdikter, narazylyq aktsııalary bolǵanyn anyqtaǵan.
