Myń teńge para bergeni úshin 336 myń teńge aıyppul tóledi
«2018 jyldyń mamyr aıynda jeke kásipker retinde tirkeýde joq ekendigi týraly anyqtama alý úshin A.esimdi azamat ótinishpen Qarasaı aýdany boıynsha MKB-na júgindi. Memlekettik kirister organynyń qyzmetkeri A. esimdi azamatqa osy anyqtamany alý rásimi týraly keńester berip, óziniń fýnktsıonaldyq mindetterin júzege asyra otyryp, atalmysh anyqtamany berdi. Alaıda, A. esimdi azamat tarapynan arandatý sıpattaǵy talpynystar júzege asyryldy. Dálirek aıtqanda, memlekettik kirister qyzmetkerin habardar etpeı 1000 teńge mólsherinde aqshalaı qarajat tastap ketýge nıettendi», - dep málim etti Almaty oblysy boıynsha memlekettik kirister departamentiniń baspasóz qyzmeti.
Osy jaıtqa baılanysty Memlekettik kirister qyzmetkeri A. esimdi azamatqa tıisti shara qoldaný úshin Іshki qaýipsizdik basqarmasyna júgingen. Nátıjesinde, A.esimdi azamatqa qatysty QR ÁQBtK-niń 676-babynda qarastyrylǵan ákimshilik quqyq buzýshylyq belgileri boıynsha ákimshilik óndiris (jeke tulǵanyń zańsyz materıaldyq syıaqy usynýy) qozǵaldy. Qarasaı aýdandyq arnaýly ákimshilik sotynyń sheshimimen myń teńge bermek bolǵan adamǵa 336 700 teńge aıyppul salynǵan.
Osyǵan uqsas jaǵdaı Almaty oblysynyń Іle aýdany boıynsha memlekettik kirister basqarmasynda da tirkelip otyr.
Qazir is Almaty oblysynyń Qarasaı aýdandyq arnaýly ákimshilik sotyna berildi.