«Myń bala» jobasy el birligin, memleketimizdiń táýelsizdigin nyǵaıtatyn shara - E.Toǵjan
«Elbasynyń memlekettik tilge qatysty «Qazaqstannyń bolashaǵy - qazaqtyń tilinde» degen qanatty sózi bar. Shyndyǵynda, memlekettiń tili sol memlekettegi halyqty uıystyrýshy faktor bolýy tıis. Ekinshiden, Qazaqstanda turatyn árbir azamattyń qoǵamdyq-saıası tirshilikke tikeleı atsalysýǵa múmkindik týǵyzatyn faktor. Sol turǵydan alǵanda «Myń bala» jobasynyń arqalaǵan júgi jeńil emes. Onyń ústine Qazaqstan halqy Assambleıasynyń 20 jyldyq mereıtoı jylyna oraılastyrylyp, bul jobany júzege asyrǵan edik. Bul rette «Myń bala» degen shartty ǵana ataý. Óıtkeni, bul joba myń ǵana emes, 245 myńnan astam balany qamtydy», - dedi E.Toǵjan. Onyń aıtýynsha, «Myń bala» jobasy aıasynda 245 myń bala memlekettik tildi bilýge nıet etip qana qoıǵan joq, ony erkin meńgerýge jetip otyr. Sonyń ishinde búgingi qorytyndylaý saltanatyna qazaq tilin jaı bilip qoıǵannan bólek, memelkettik tilde sheshendik ónerdi meńgergender, esse jaza alatyndar, tildiń tereń maǵynasyn túsine alatyndar qatysyp otyr. «Túıindeı aıtqanda, «Myń bala» jobasy el birligin, memleketimizdiń táýelsizdigin nyǵaıtatyn shara bolyp otyr. Tilegi bir, júregi bir árbir qazaqstandyq tutastaı memleketimizdiń myzǵymas tiregine aınalyp otyr. Sońǵy áleýmettik zertteýlerdiń qorytyndysy da osyny kórsetedi, Máselen, sol zertteýler nátıjesinde qazaqstandyqtardyń 97 paıyzy ózderiniń Qazaqstan azamaty ekenin maqtan etetindikterin aıtqan. Bunyń ózi elimizde tutastaı ulttyń birligi qalyptasqanyn aıǵaqtaıdy», - dedi E.Toǵjan. Sóz arasynda ol búgingi tańda Qazaqstan halqy Assambleıasynyń múshesi bolyp júrgen 1927 basqa ult ókilderiniń azamaty men 400-den astam bala qazaq tilinde taza sóıleıtinin atap ótti. Munyń bári Elbasynyń syndarly saıasatynyń arqasynda bolyp otyr. Eske sala keteıik, «Myń bala» jobasy Qazaqstan halqy Assambleıasynyń qoldaýymen ótip, ol aǵymdaǵy jyldyń aqpan aıynda bastalyp, respýblıkanyń barlyq óńirlerin qamtyǵan bolatyn.
