«Myń bala» alǵashqy ulttyq olımpıada jeńimpazdary anyqtaldy
Grant ıeleriniń tizimimen Nursultan Nazarbaev qorynyń www.fnn.kz saıtynan tanysýǵa bolady.
Joba Qazaqstan Respýblıkasynyń Bilim jáne ǵylym mınıstrliginiń qoldaýymen «El Úmiti» daryndy jastardy anyqtaý jáne qoldaý jónindegi Elbasy bastamasynyń aıasynda júzege asyrylýda.
Olımpıada eki kezeńde ótti. Alǵashqy kezeń aǵymdaǵy jyldyń aqpan aıynda syrttaı uıymdastyrylǵan bolatyn. Ol elimizdiń aýyl mektepteriniń 5 jáne 6 synyptaǵy 295 myń oqýshyny qamtydy. Nátıjesinde 1685 aýyl mektebinen barlyǵy 5002 oqýshy irikteldi.
Olımpıadanyń ekinshi kezeńi 2020 jyldyń 21-22 tamyz kúnderi qatań karantın talaptaryna saı 19 Nazarbaev Zııatkerlik mektebi negizinde jáne aýdan ortalyqtaryndaǵy 34 pýnktte ótti.
Olımpıada qorytyndysy boıynsha 1000 jeńimpaz irikteldi. Onyń 30-y Respýblıkalyq fızıko-matematıkalyq mekteptiń Almaty qalasyndaǵy fılıalyna birden qabyldandy. 6-synypty aıaqtaǵan jeńimpazdar QR Bilim jáne ǵylym mınıstrliginiń kvotalaryna sáıkes oqýyn «Bilim-ınnovatsııa» lıtseıleri men «Daryn» mektepterinde jalǵastyrýǵa múmkindik alady.
5 synyp aıaqtaǵan jeńimpazdar Elbasy Akademııasynyń qashyqtan oqytý mektebinde aqysyz olımpıadadan keıingi súıemeldeýge ıe bolady. Onda mektebinde ár qatysýshyǵa jeke tıýtor bekitilip, oqýshymen birge jeke damý josparyn jasaıdy. Bir jyl ishinde qatysýshylar elimizdegi úzdik pedagogtardyń qoldaýymen kelesi jyly daryndy balalarǵa arnalǵan mektepterdiń 7-synybyna túsý úshin bilimderin jetildiredi.
Olımpıadanyń ekinshi kezeńiniń 5 myń qatysýshysy Elbasy Akademııasynyń qashyqtan oqytý mektebiniń bilim resýrstaryna tegin kirip óz betinshe bilimin shyndaı alady. Olar úshin qosymsha sabaqtar jáne pán muǵalimderi tarapynan keńes alý kestesi bekitiledi.
Qosymsha aqparat úshin 7170 baılanys ortalyǵyna (qońyraý shalý tegin) habarlasýǵa bolady.
Aımaqtar boıynsha bólý:
| Aımaqtar | 5 synyp | 6 synyp |
| Aqmola oblysy | 49 | 34 |
| Aqtóbe oblysy | 18 | 16 |
| Almaty oblysy | 89 | 107 |
| Atyraý oblysy | 31 | 18 |
| Shyǵys - Qazaqstan oblysy | 42 | 30 |
| Jambyl oblysy | 33 | 58 |
| Batys - Qazaqstan oblysy | 49 | 43 |
| Qaraǵandy oblysy | 20 | 21 |
| Qostanaı oblysy | 33 | 30 |
| Qyzylorda oblysy | 38 | 37 |
| Mańǵystaý oblysy | 28 | 33 |
| Pavlodar oblysy | 29 | 29 |
| Soltústik – Qazaqstan oblysy | 35 | 34 |
| Túrkistan oblysy | 6 | 10 |
| Qorytyndy | 500 | 500 |