«Myń alǵys» jalpy respýblıkalyq aktsııasy ótti
Aktsııa barysynda Assambleıa músheleri qalamyzdaǵy psıho-nevrologııalyq naýqas balalarǵa arnalǵan áleýmettik mekemege baryp, medıtsına qyzmetkerleri men emdelýshilerge azyq-túlik sebetterin jáne antıseptıkalyq qajet zattar úlestirdi.
Aktsııa qasıetti Qurban aıt merekesinde halyqty qaıyrymdylyqqa shaqyrýǵa, tótenshe jaǵdaı kezindegi kómekke muqtaj jandarǵa járdem berýge baǵyttalǵan.
Saýapty iste atsalysqan etnomádenı birlestikter, Analar keńesi, «Jańǵyrý joly» jastar qozǵalysynyń ókilderi mekeme qyzmetkerleri men dimkási bar balalarǵa moraldyq turǵyda da qoldaý kórsetti. Óz kezekterinde olar da alǵystaryn aıtyp, rızashylyqtaryn bildirdi.
Budan bólek, Assambleıa qurylymdarynyń ókilderi kópbalaly jáne az qamtylǵan otbasylardyń balalaryna oqý jyly qarsańynda mektepke arnalǵan qural-jabdyqtar da taratty.
«Rýhanı tazalyq pen meıirimdiliktiń bastaýy, eldiń yntymaq-birligin kúsheıtip, qaıyrymdylyq qasıetterdi, dostyq qarym-qatynastardy arttyratyn, baýyrlastyq pen qamqorlyq tanytýǵa úndeıtin Qurban aıt meıramynda jasalǵan osynaý ıgi shara elimizdegi tótenshe jaǵdaı kezindegi naǵyz janashyrlyqtyń úlgisi dep bilemiz» ,-deıdi Analar keńesiniń tóraǵasy Janar Kenjeǵalıeva
Qaıyrymdylyq – bul Assambleıanyń negizgi baǵyty. Osy oraıda muqtaj jandarǵa kómek qolyn alǵashqy bolyp sozatyn oblystyq Assambleıanyń qaıyrymgerleri úsh myńnan astam adamǵa 10 mln. teńge kóleminde kómek kórsetkenin atap keteıik.
