«Myń alǵys» kontserti: Zaǵıp sábıdiń emine qajet qarajat artyǵymen jınaldy
ASTANA. QazAqparat - Qazaq radıolary tyńdarmandary týabitti sýqarańǵylyq dıagnozy qoıylǵan 1 jasar Armannyń emine qajetti qarajatty artyǵymen jınap berdi. Bul týraly QazAqparat Qazaq radıosyna silteme jasap habarlaıdy.
Aıta keteıik, keshe elordada «Qazaq radıolarynyń» alǵys aıtý kúnine arnalǵan «Myń alǵys» qaıyrymdylyq kontserti ótti. Onda týabitti sýqarańǵylyq dıagnozy qoıylǵan 1 jasar Armannyń emi úshin arnaıy kómek jáshikteri qoıylǵan bolatyn.
«Qazaq radıosyndaǵy "Jan jylýy" habarynyń búgingi efırine Armannyń ata-anasy shaqyrylyp, "Myń alǵys" kontsertinde jınalǵan barlyq qarjy tabys etildi. Kontsert sońynda sol jáshikke kórermender salǵan qarjynyń jalpy somasy 690284 teńge qurady. Sondaı-aq, belgili dintanýshy, ǵalym Qaırat Joldybaıuly men Shymkenttegi "Ernııaz" kompanııasynyń bas dırektory Erbol Daırash Armannyń emi úshin 2 mln teńge aýdarǵan edi», - delingen Qazaq radıosynyń habarlamasynda.
