Myltyq urlap, isti boldy
Qyzylorda qalalyq polıtsııa basqarmasynyń kezekshi bólimine oblys ortalyǵyndaǵy úılerdiń birinde urlyq bolǵandyǵy jóninde habarlama kelip tústi. Belgisiz bireý úıdiń kire beris bólmesindegi plastık terezesin ashyp úıge kirgen de ańshy myltyǵyn jáne 14 oǵyn, kúmis buıymdar men áshekeılerdi, kıim-keshekterdi alyp ketken.
«Polıtseıler jedel iz kesý áreketin jasady. Nátıjesinde qylmystyq izi sýymaı ashyldy. Birneshe saǵat ishinde kúdikti azamat ustalyp, urlanǵan zattar aıǵaq retinde alyndy.
Oqıǵa boıynsha Qazaqstan Respýblıkasy Qylmystyq Kodeksiniń 291-babynyń 1-bóligimen sotqa deıingi tergep-tekserý amaldary bastaldy», - dep málim etti Qyzylorda oblystyq polıtsııa departamentiniń baspasóz qyzmeti.
Qazirgi tańda 25 jastaǵy kúdikti Qyzylorda qalalyq Polıtsııa basqarmasynyń ýaqytsha ustaý oqshaýlaǵyshyna qamaldy.
Buǵan deıin Qyzylordada alaıaqtyq qylmysy órship turǵany habarlanǵan bolatyn.