Mylqaýlar úshin arnaıy qurylǵy jasaǵan oqýshy 5 myń dollar aldy

ASTANA. QazAqparat -Fızıka-matematıka baǵytyndaǵy Nazarbaev zııatkerlik mektebiniń oqýshysy Nurdáýlet Taýmergenov «Yakutsk International Science Fair» atty oqýshylar arasynda ótken Halyqaralyq ǵylymı-konferentsııa baıqaýynda gran-prı jeńip aldy, dep habarlaıdy QazAqparat tilshisi.

«Oqýshy ymmen jetkizilgen sózderdi GloveSpeaker qolbaǵy arqyly aýyzeki sóıleý tiline aýdarýǵa arnalǵan jobany tanystyrdy. Onyń oılap tapqan týyndysy mylqaý adamdarmen qıyndyqsyz túsinisýge múmkindik beredi. Sıngapýr ulttyq ýnıversıtetiniń professory, Halyqaralyq zııatkerlik oıyndardyń baǵdarlamalyq komıteti tóraǵasy Leon Chýan Kvek jáne «Maıtona» kompanııasynyń prezıdenti Aleksandra Baısheva jeńimpazǵa 5 myń AQSh dollaryna jazylǵan arnaıy sertıfıkat tabys etti»,  -dep habarlaıdy Saha Respýblıkasy Ulttyq keńesiniń baspasóz qyzmeti.

I Halyqaralyq zııatkerlik oıyndardyń aıaqtalýyna arnalǵan saltanatty rásim 14 shilde kúni ıAkýtsk qalasynyń «Trıýmf» sporttyq daıyndaý ortalyǵynda bolyp ótti. ıAkýtııa úkimeti tóraǵasynyń mindetin oryndaýshy Vladımır Solodov atalmysh oıyndardyń óńir úshin teńdessiz shara ekenin erekshe atap ketti.

«Eń aldymen, kóptegen qyzyqty adamdardy jınaǵanymyz qýantady. Bizdiń elge 18 eldiń ókilderi kelip qatysty, ásirese sarapshylar tarapynan úlken úles qosylǵanyn baıqaımyz. Endigári ıAkýtııadaǵy daryndy balalarmen jumys jasaý júıesin ary qaraı qandaı baǵytta nyǵaıtatynymyzdy sheshtik», - dedi V. Solodov.