MyArmy.kz jobasy jastardyń talabyna saı jasaldy – Arman Qalyshev

ASTANA. KAZINFORM – Qorǵanys mınıstrligi Tárbıe jáne ıdeologııalyq jumystar departamentiniń basshysy Arman Qalyshev MyArmy.kz jobasynyń artyqshylyqtaryn aıtyp berdi.

– Joba jalpy jastardyń talabyna negizdelgen. ıAǵnı, túrli mamandyqtardy meńgergen jastardyń biliktiligin áskerde shyńdaý mindeti qoıylǵan. Naqty aıtar bolsaq, ásker qataryna shaqyrylǵan sarbazdar ol jerde mamandyǵy boıynsha jumys isteıdi. Eger sarbaz ІT mamany bolsa, ony osy salaǵa qatysty rotaǵa jiberemiz. Eger sporttyq daıyndyǵy myqty bolsa, onda sporttyq rotalarǵa bólemiz. Jalpy «Sarbaz plıýs» jobasy negizinde kovorkıng alańy, laýndj alańy, vorkaýt alańdary jetildiriledi, - dedi ol Jibek Joly telearnasyndaǵy «Bugin Live» baǵdarlamasynda.

Spıkerdiń aıtýynsha, jobanyń taǵy bir artyqshylyǵy bar. Sarbazdar munda radıobaılanys, jelilik tehnologııalar jáne drondardyń operatory syndy mamandyqtardy meńgeredi.

– Odan basqa osy áskerı bólimniń negizinde kitaptar qory keńeıtilip, jastardyń boıyna otansúıgishtik pen patrıottyq sezim qalyptastyrylady. Osy baǵytta júıeli jumystar júrgizilip jatyr. Al osy MyArmy.kz saıty sonyń tek bir ǵana bóligi, - dedi ol óz suhbatynda.

Arman Qalyshev saıt ázirshe pılotyq nusqada jumys istep turǵanyn, áskerge barýshylar búginge tek bir ǵana áskerı bólimdi tańdaı alatynyn aıtty. Alǵashqy nátıjeler de jaman emes. Birneshe áskerı qyzmetshi biliktiligin arttyryp, qosymsha mamandyq meńgerip shyqqan. BAQ betterinde habarlandyrýlar taratylǵaly beri, qatysýshylar sany da kúrt ósken.

Aıta keteıik, buǵan deıin Qorǵanys mınıstrligi MyArmy.kz portalyn iske qosqanyn jazǵan edik.