Mıanmada jer silkinisinen qaza bolǵandardyń sany 700-ge jýyqtady

ASTANA. KAZINFORM — Mıanmadaǵy kúshti jer silkinisi saldarynan 694 adam qaza taýyp, 1670 adam jaraqat aldy, dep habarlaıdy BBC agenttigi eldiń áskerı bıligine silteme jasap.

Kóptegen after dúmpýlerge qaramastan, qutqarý jumystary túni boıy jalǵasty. 28 naýryz, juma kúni Mıanmada magnıtýdasy 7,7 jáne 6,4 baldyq jer silkinisi bolǵanyn buǵan deıin AQSh Geologııalyq qyzmeti habarlaǵan edi.

Jerasty dúmpýleri Qytaı men Taılandta sezilip, Bangkokta salynyp jatqan záýlim ǵımarat qırady. Mıanma bıligi halyqaralyq qaýymdastyqty jer silkinisiniń saldaryn joıýǵa kómektesýge shaqyrdy. Qytaı men Reseı Mıanmaǵa qutqarýshylar men dárigerlerdi jiberip úlgerdi.

Eske sala keteıik, keshe Mıanmada 7,9 baldyq jer silkinisi tirkelip, Prezıdent Qasym-Jomart Toqaev Mıanma Premer-mınıstri Mın Aýn Hlaınǵa kóńil aıtý jedelhatyn joldaǵan bolatyn.