Mıanmanda jarylys bolyp, 45-ten asa adam qaza tapty
ASTANA. KAZINFORM — Mıanmanyń soltústik-shyǵysyndaǵy Qytaı shekarasyna jaqyn ornalasqan Shan shtatynda jarylǵysh zattar saqtalǵan qoımada qýatty jarylys boldy, dep habarlaıdy Al Jazeera agenttigi.
Oqıǵa Kaýng Tat aýylynda bolǵan.
Jergilikti BAQ málimetinshe, jarylys saldarynan 45-ten asa adam qaza tapqan, olardyń arasynda balalar da bar. Taǵy 70-ten astam adam jaraqat alǵan.
Jarylystyń kúshti bolǵany sonshalyq, mańaıdaǵy birneshe turǵyn úı qıraǵan.
Aldyn ala málimet boıynsha, qoımada taý-ken óndirisinde paıdalanylatyn jarylǵysh zattar saqtalǵan. Óńir rýbın kenishterimen tanymal.
Apat bolǵan aýmaq kóterilisshilerdiń TNLA tobynyń baqylaýynda.
Qazir oqıǵa ornynda qutqarý jumystary jalǵasyp jatyr. Bılik jarylystyń sebepterin anyqtaý úshin tergeý bastady.
Buǵan deıin Mıanmada salmaǵy rekordtyq 2,2 kelilik qundy rýbın tabylǵanyn jazdyq.
