Mıanmadaǵy joıqyn jer silkinisinen qaza tapqandar sany artty

ASTANA. KAZINFORM –  Mıanmadaǵy 7,9 baldyq jer silkinisinen 2,7 myń adam kóz jumǵan, dep habarlaıdy Qytaı Ortalyq televızııasy.

1 sáýirdegi jaǵdaı boıynsha Mıanmadaǵy tabıǵı apat saldarynan 2719 adam opat bolǵan.

Eske salsaq, 28 naýryzda Mıanmada 7,9 baldyq jer silkinisi tirkelgeni habarlandy.

Jer silkinisinen zardap shekken óńirlerde tótenshe jaǵdaı jarııalanǵany belgili boldy.

Sol kúni jer silkinisi 50-den astam adamnyń ómirin qıǵany anyqtaldy. Alaıda keshke qaza tapqandar sany 144-ke jetti.

Keıinnen Memleket basshysy Mıanma Premer-mınıstri Mın Aýn Hlaınǵa kóńil aıtý jedelhatyn joldady.

Budan bólek, Mıanma premer-mınıstri bir aptalyq ulttyq aza tutý jarııalaǵany málim boldy.

Sonymen qatar, Mıanmadaǵy jer silkinisiniń boljamdy sebebi ataldy.