Mıanmadaǵy jer silkinisinen qaza tapqandar sany 3085 adamǵa jetti

ASTANA. KAZINFORM — Mıanmadaǵy joıqyn tabıǵı apattan kóz jumǵandar sany 3085 adamǵa jýyqtady, dep habarlaıdy Xinhua.

Mıanma memlekettik ákimshilik keńesiniń derekterine sáıkes zilzala saldarynan 4715 adam zardap shekken, sonymen qatar 341 adam iz-túzsiz joǵalyp ketken.

2025 jylǵy 3 sáýirdegi jaǵdaı boıynsha Mıanmada 66 aftershok tirkeldi. Onyń magnıtýdasy 2,8-den 7,5 shamasynda bolǵan.

Eske salsaq, 28 naýryzda Mıanmada 7,9 baldyq jer silkinisi tirkelgeni habarlandy.

Jer silkinisinen zardap shekken óńirlerde tótenshe jaǵdaı jarııalanǵany belgili boldy.

Sol kúni jer silkinisi 50-den astam adamnyń ómirin qıǵany anyqtaldy. Alaıda keshke qaza tapqandar sany 144-ke jetkeni aıtyldy.

Keıinnen Memleket basshysy Mıanma Premer-mınıstri Mın Aýn Hlaınǵa kóńil aıtý jedelhatyn joldady.

Sonymen qatar, Mıanmadaǵy jer silkinisiniń boljamdy sebebi ataldy.

Búgin Mıanma jaǵalaýynda taǵy da jer silkingeni anyqtaldy. Jer silkinisiniń oshaǵy 4,5 mıllıonǵa jýyq adam turatyn ıAngon qalasynan ońtústikke qaraı 142 shaqyrym jerde jatyr. Jer silkinisiniń oshaǵy 10 km tereńdikte ornalasqan kórinedi.