Mıanmadaǵy jer silkinisinen qaza tapqandar sany 2 800-den asty

ASTANA. KAZINFORM – 2 sáýirdegi málimet boıynsha, Mıanmadaǵy jer silkinisinen 2 800-den astam adam kóz jumdy. Bul týraly Qytaıdyń ortalyq telearnasy habar taratty, dep  habarlaıdy Kazinform tilshisi.

Keıingi kelip jetken málimetter boıynsha, Mıanmadaǵy kúshti jer silkinisinen qaza tapqandar sany 2 886-ǵa jetken. 4 639 adam jaralanyp, 373 adam habar-osharsyz ketken. Elde izdestirý jáne qutqarý jumystary jalǵasyp jatyr. 

2 sáýirdegi jaǵdaı boıynsha, Mıanmanyń ortalyǵynda barlyǵy 54 after silkinis tirkeldi. Eń joǵary magnıtýda – 7,5, eń tómengisi – 2,8 ball.

Eske salsaq, 28 naýryzda Mıanmada 7,9 baldyq jer silkinisi tirkelgeni habarlandy.

Jer silkinisinen zardap shekken óńirlerde tótenshe jaǵdaı jarııalanǵany belgili boldy.

Sol kúni jer silkinisi 50-den astam adamnyń ómirin qıǵany anyqtaldy. Alaıda keshke qaza tapqandar sany 144-ke jetti.

Keıinnen Memleket basshysy Mıanma Premer-mınıstri Mın Aýn Hlaınǵa kóńil aıtý jedelhatyn joldady.

Budan bólek, Mıanma premer-mınıstri bir aptalyq ulttyq aza tutý jarııalaǵany málim boldy.

Sonymen qatar Mıanmadaǵy jer silkinisiniń boljaldy sebebi ataldy.