Mıanmadaǵy jer silkinisinen qaza tapqandar sany 144-ke jetti

ASTANA. KAZINFORM — Mıanmadaǵy joıqyn jer silkinisi kem degende 144 adamnyń ómirin jalmady, dep habarlaıdy BBC .

Sonymen qosa kóptegen adam zilzala saldarynan Taılandta qıraǵan ǵımarattar astynda qalyp qoıǵan.

— Armııa ókiliniń derekterine sáıkes Mıanmadaǵy magnıtýdasy 7,7 baldyq jer silkinisinen keıin kem degende 144 adam qaza bolyp, júzdegen adam jaraqattandy. Jer asty dúmpýleri Taılandpen qosa kórshiles jatqan elderde de sezilgen. Onda salynyp bitpegen bıik turǵyn úı jer silkinisinen keıin qozǵalyp, jerge qulaǵan, — dep málimdedi BBC.

Taıland premer-mınıstriniń orynbasary 81 qurylysshy iz-túzsiz joǵalǵandar esebinde ekenin aıtty. Qazirgi ýaqytta olardy izdestirý-qutqarý jumystary júrgizilip jatyr.

Aıta keteıik, Mıanmada 2021 jylǵy áskerı tóńkeristen keıin saıası kúızelis jalǵasyp keledi. Saldarynan oqıǵa ornynan aqparat alý da qıynǵa soǵady.

Buǵan deıin habarlanǵandaı, Mıanmada 7,9 baldyq jer silkinisi tirkeldi.

SІM Taılandtaǵy jer silkinisinen zardap shekken qazaqstandyqtarǵa qatysty aqparatty taratty.

Qazir Mıanmada tótenshe jaǵdaı jarııalandy. Osyǵan deıin Mıanmadaǵy jer silkinisinen 50 adam qaza taýyp, 300 adam jaraqat alǵany habarlanǵan edi.

Seısmolog Muhtar Haıdarov Qazaqstan men Ońtústik-shyǵys Azııada bolǵan jer silkinisiniń baılanysy bar ma degen saýalǵa jaýap berdi.