Mıanmadaǵy jer silkinisi: Mandalaı temirjoly men áýejaıynyń jumysy qaıta jandandy

ASTANA. KAZINFORM — 28 naýryzdaǵy joıqyn jer silkinisinen keıin jabylǵan ıAngon-Mandalaı temirjol jelisi men Mandalaı halyqaralyq áýejaıy qaıta ashyldy, dep habarlaıdy Sınhýa.

Bul týraly The Global New Light of Myanmar memlekettik gazeti jazdy.

Jer silkinisi saldarynan ıAngon-Mandalaı syzyǵyndaǵy temirjol jelisindegi 11 temirjol kópirine zaqym keldi. Sondaı-aq keıbir ýchaskede relster qısaıyp ketken.

— Mıanma temirjoldary logıstıkany qamtamasyz etý maqsatynda jumys kúshi men tehnıkany qoldana otyryp shuǵyl jóndeý jumystaryn bastady, — delingen habarlamada.

Mıanma temirjoldary jóndelgen aýmaqtardy synaqtan ótkizý úshin beısenbide júk poıyzdaryn, al jumada jolaýshylar poıyzdaryn júrgizip kórdi. Poıyzdardyń qozǵalysy qaýipsiz ekendigi rastalǵannan keıin senbi kúni tańerteń jolaýshylar tasymaly qaıta bastaldy.

Sonymen qatar, juma kúni Mandalaı halyqaralyq áýejaıy ishki reıster úshin qaıta ashyldy. Senbige qaraı tórt jergilikti áýekompanııa barlyǵy 972 jolaýshyny tasymaldap, 13 reısti oryndady.

6 sáýirdegi jaǵdaı boıynsha Mıanmada qaza tapqandar sany 3471 adamǵa jetti. Budan bólek 4671 adam zardap shegip, 214 adam iz-túzsiz joǵalǵandar esebinde ekeni anyqtaldy.

Eske salsaq, 28 naýryzda Mıanmada 7,9 baldyq jer silkinisi tirkelgeni habarlandy.

Jer silkinisinen zardap shekken óńirlerde tótenshe jaǵdaı jarııalanǵany belgili boldy.

Sol kúni jer silkinisi 50-den astam adamnyń ómirin qıǵany anyqtaldy. Alaıda keshke qaza tapqandar sany 144-ke jetkeni aıtyldy.

Keıinnen Memleket basshysy Mıanma Premer-mınıstri Mın Aýn Hlaınǵa kóńil aıtý jedelhatyn joldady.

Sonymen qatar, Mıanmadaǵy jer silkinisiniń boljamdy sebebi ataldy.