Mıanmadaǵy jer silkinisi: 6 myńnan astam uıaly telefon stantsııasy zaqymdanǵan

28 naýryzda Mıanmada bolǵan joıqyn jer silkinisi 6730 uıaly telefon stantsııasyn zaqymdady, dep habarlaıdy Sınhýa The Mirror memlekettik gazetine silteme jasap. 

6 sáýirdegi jaǵdaı boıynsha 5 999 stantsııa qalpyna keltirildi, al 731 stansa jóndelip jatyr. 

— Mıanmadaǵy jer silkinisi saldarynan jumysyn toqtatqan 15 poshta bólimshesi 31 naýryzda jumysyn qaıta bastady, — delingen habarlamada.

Ótken aıda Mıanmada 7,9 baldyq joıqyn jer silkinisi boldy. Saǵat 6-daǵy jaǵdaı boıynsha Seısenbi kúni jergilikti ýaqyt boıynsha tabıǵı apat saldarynan 3645 adam qaza taýyp, 5017 adam jaraqat alyp, 148 adam iz-túzsiz joǵalyp ketti, dep habarlady Memlekettik ákimshilik keńestiń aqparattyq toby.

Eske sala keteıik, 40 gradýs ystyq kún raıy Mıanmadaǵy jer silkinisinen keıingi qutqarý jumystaryn qıyndatqanyn jazǵan edik.

28 naýryzdaǵy joıqyn jer silkinisinen keıin jabylǵan ıAngon-Mandalaı temirjol jelisi men Mandalaı halyqaralyq áýejaıy qaıta ashyldy.

Sonymen qatar, Mıanmadaǵy jer silkinisiniń boljamdy sebebi ataldy.

Búgin Mıanmada taǵy bir jer silkinisi boldy.