Mıanmadaǵy sý tasqynynan 40 myńnan astam adam zardap shekti
ASTANA. KAZINFORM – Mıanmanyń Iravadı aımaǵynda Ngavýn ózenindegi bógettiń buzylýynan bolǵan aýqymdy sý tasqynynan 40 myńnan astam turǵyn zardap shekti, dep habarlaıdy Kazinform Sınhýa agenttigine silteme jasap.
Bóget 30 shildede Lemetna eldi mekeninde buzylǵan. Oǵan qumdy topyraqtyń shaıylýy men jerdiń shógýinen bóget qurylymynyń álsireýi sebep bolǵan.
Tabıǵı apat saldarynan myńdaǵan otbasy úılerin tastap ketýge májbúr boldy. Zardap shekken turǵyndar úshin ýaqytsha kómek kórsetý ortalyqtary ashyldy.
Qalalyq aýdandarda sý deńgeıi birtindep tómendeı bastady. Qazirgi ýaqytta baılanys qyzmetteriniń 35%-y qalpyna keltirildi.
Sý tasqynynan zardap shekkenderge azyq-túlik jetkizý jalǵasyp jatyr. Kómek kórsetý jumystaryna 146 mln kıattan astam qarjy bólindi. Bul shamamen 69,5 myń AQSh dollaryna teń.
Buǵan deıin naýryz aıynda Gavaı araldaryndaǵy Oahýda sońǵy 20 jyldan astam ýaqyttaǵy eń kúshti sý tasqyny bolyp, 5,5 myńnan astam adam evakýatsııalanǵan edi.
Aıta keteıik, «Dolfın» taıfýny Qytaıǵa jetip, júzdegen myń adam evakýatsııalanǵanyn jazdyq.
