Mıanmada jer silkinisi saldarynan 1000-nan astam adam qaza tapty

ASTANA. KAZINFORM — Mıanmadaǵy joıqyn jer silkinisinen qaza tapqandardyń sany 1002-ge jetti, 2376 adam zardap shekkender tiziminde, dep habarlaıdy BBC eldiń áskerı bıligine silteme jasap.

Úıindiler tazartylǵan saıyn qurbandar sany artýy múmkin, dep esepteıdi qutqarýshylar. Qytaı, Úndistan jáne Reseı qazirdiń ózinde Mıanmaǵa medıtsınalyq jáne qutqarý toptaryn jiberdi.

28 naýryz, juma kúni tústen keıin jergilikti ýaqyt boıynsha kúshi 7,7 jáne 6,4 baldyq eki jer asty dúmpýleri tirkeldi.

Jer silkinisi Qytaı men Taılandta da sezildi; Nátıjesinde Bangkokta aıaqtalmaǵan záýlim ǵımarat qulady, onyń qırandylarynyń astynda birneshe ondaǵan adam bolýy múmkin dep boljandy.

Buǵan deıin habarlanǵandaı, Mıanmada jer silkinisi saldarynan tótenshe jaǵdaı jarııalandy.

EO kómekke 2,5 mıllıon eýro bóldi.