Mıanmada janartaýdyń atqylaǵany vıdeoǵa túsip qaldy — BAQ

ASTANA.KAZINFORM - Mıanmada janartaý atqylady, dep habarlaıdy Chindwin News.

- Jergilikti turǵyndar Naga aýylynyń janyndaǵy balshyq janartaýynyń atqylaýyn alańdaýshylyqpen baqylap otyr, - dep habarlady aqparat kózi.

Aýyl Mıanmanyń Rakhaın shtatynda ornalasqan.

Janartaý aımaqtaǵy jer silkinisinen keıin atqylaǵany málim boldy.

- Mıanmadaǵy jer silkinisinen qaza tapqandar sany jeksenbi kúni keshke 3564-ke jetti, dep jazdy Sınhýa agenttigi Mıanmanyń memlekettik ákimshilik keńesiniń aqparattyq qyzmetine silteme jasap.

Sondaı-aq, tabıǵı apat saldarynan 5012 adam zardap shekse, 210 adam iz-túzsiz joǵalyp ketken.

Buǵan deıin Bangkokta zilzaladan aman qalǵandar izdestirilip jatqany habarlanǵan bolatyn.