Mıanmada jalpyulttyq saılaýdyń alǵashqy kezeńi aıaqtaldy
ASTANA. KAZINFORM — 2025 jyly Mıanmada ótetin kóppartııaly demokratııalyq jalpyulttyq saılaýdyń alǵashqy kezeńinde daýys berý aıaqtaldy, dep jazdy Sınhýa.
Daýys berý jeksenbi kúni jergilikti ýaqyt boıynsha tańǵy saǵat 06:00-de bastalyp, saǵat 16:00-de ıAngon qalasynyń Chaýtada aýdanyndaǵy saılaý ýchaskeleriniń birinde saılaý komıssııasynyń qyzmetkeri onyń jabylǵanyn jarııalady.
Ýchaske jabylǵannan keıin saılaý komıssııasynyń qyzmetkerleri jergilikti jáne halyqaralyq buqaralyq aqparat quraldarynyń, kandıdattardyń jáne baqylaýshylardyń qatysýymen daýys sanaýǵa kiristi. Bul rette Halyq ókilderi jınalysyna (parlamenttiń tómengi palatasy), Ulttar jınalysyna (parlamenttiń joǵarǵy palatasy), sondaı-aq shtattar men aımaqtardyń zań shyǵarýshy organdaryna úmitkerler úshin aldyn ala berilgen daýystar da esepke alyndy.
Mıanmanyń Ulttyq qorǵanys jáne qaýipsizdik keńesiniń aqparattyq tobynyń málimetinshe, jeksenbi kúni saılaý ýchaskelerinde saılaý barysyndaǵy tártip pen erkin daýys berý úderisin baqylaý úshin halyqaralyq baıqaýshylar tobynyń 139 ókili men dıplomatııalyq korpýs ókilderi boldy.
2025 jylǵy jalpyulttyq saılaý úsh kezeńnen turady. Ekinshi jáne úshinshi kezeńder tıisinshe 2026 jyldyń 11 qańtary men 25 qańtarynda ótedi.
Saılaý 692 saılaý okrýginde ótkizilip jatyr. Ulttyq jáne óńirlik zań shyǵarýshy organdardaǵy oryndar úshin 57 saıası partııadan shamamen 5000 kandıdat baq synaýda. Odaqtyq saılaý komıssııasynyń derekterine sáıkes, el boıynsha barlyǵy 21 517 saılaý ýchaskesi qurylǵan.
Saılaýdyń túpkilikti nátıjeleri daýys berýdiń barlyq kezeńderi aıaqtalǵannan keıin jarııalanady.
Mıanmada sońǵy jalpyulttyq saılaý 2020 jyldyń qarasha aıynda ótken bolatyn.
Buǵan deıin Mıanmada jalpyulttyq saılaý bastaldy.