Mıanmada jalpyulttyq saılaý bastaldy
ASTANA. KAZINFORM — Mıanmada 2025 jylǵy kóppartııaly demokratııalyq jalpyulttyq saılaý bastaldy. Onyń alǵashqy kezeńi jeksenbi kúni ótedi, dep habarlaıdy Sınhýa.
Saılaý úsh kezeńde uıymdastyrylady. Ekinshi kezeń 2026 jylǵy 11 qańtarǵa, al úshinshi kezeń 25 qańtarǵa belgilengen.
Daýys berý búkil el boıynsha 692 saılaý okrýginde ótedi. 57 saıası partııadan shamamen 5000 úmitker Odaq Assambleıasynyń (parlamenttiń) eki palatasyndaǵy — Halyq ókilderi jınalysyndaǵy (tómengi palata), Ulttar jınalysyndaǵy (joǵarǵy palata), sondaı-aq óńirlik zań shyǵarýshy organdardaǵy oryndar úshin kúresedi.
Saılaý nátıjesinde jańa parlamenttiń quramy aıqyndalady. Keıin parlament jańa prezıdentti saılaıdy, al prezıdent óz kezeginde jańa úkimetti qalyptastyrady.
Saılaý komıssııasynyń derekterine sáıkes, el aýmaǵynda jalpyulttyq saılaýdy ótkizý úshin barlyǵy 21 517 saılaý ýchaskesi uıymdastyrylǵan.
Mıanmada sońǵy jalpyulttyq saılaý 2020 jylǵy qarasha aıynda ótken.
Qazaqstan men Mıanmanyń qazirgi ózara is-qımyly jáne seriktestik perspektıvalary týraly Kazinform agenttiginiń materıalynan oqı alasyz.