Mıanmada 7,9 baldyq jer silkinisi tirkeldi

ASTANA. KAZINFORM – Qytaı Seısmıkalyq stansalar jelisiniń resmı málimetine sáıkes, 28 naýryz kúni Beıjiń ýaqytymen 14:20-da (Astana ýaqytymen 11:20) Mıanma aýmaǵynda (soltústik endik 21.85°, shyǵys boılyq 95.95°) magnıtýdasy 7,9 baldyq jer silkinisi boldy. Jerasty dúmpýleriniń tereńdigi – 30 km.

Sınhýa agenttiginiń Mıanmaǵy tilshisiniń jazýynsha, eldiń eń iri qalasy – ıAngonda jer silkinisi qatty sezilgen. Sondaı-aq, silkinis dúmpýi Taıland astanasy Bangkok pen Laos astanasy Ventıanda da anyq baıqalǵan.

Qazirshe zardap shekkender men materıaldyq shyǵyndar týraly resmı aqparat joq.

Chinanews agenttiginiń habarlaýynsha, Qytaıdyń ıÝnnan provıntsııasyndaǵy Baoshan, Sıshýanbanna-Daı avtonomııalyq oblysy, Pýer jáne Kýnmın qalalarynyń turǵyndary da kúshti jer silkinisin anyq sezgen.

Aıta keteıik, búgin túnde Almatydan 323 shaqyrym jerde jer silkinisi tirkeldi.