Mıanmada 6 myńnan astam tutqynǵa raqymshylyq jasaldy

ASTANA. KAZINFORM — Mıanmanyń áskerı hýntasy táýelsizdiktiń 78 jyldyǵyna oraı, el boıynsha 6 myńnan astam tutqynǵa raqymshylyq jasady, dep habarlaıdy ANEWZ.

Ulttyq qorǵanys jáne qaýipsizdik keńesi túrme, tergeý ızolıatory jáne lagerlerden 6134 tutqyndy bosatýǵa buıryq berdi. Olar muny «halyqtyń sanasy men júregin tynyshtandyryp, adamzatqa qurmet kórsetý» áreketi dep baǵalady.

Sonymen qatar, Mıanma prezıdentiniń mindetin atqarýshy 52 sheteldik tutqynǵa, onyń ishinde Qytaı azamattaryna, túrli túzeý mekemelerinde jazasyn ótep jatqandarǵa raqymshylyq jasap, elden shyǵardy. Bul sheshim halyqaralyq dostyq qarym-qatynasty saqtaýǵa jáne gýmanıtarlyq qaǵıdattardy qoldaýǵa baǵyttalǵan dep habarlaıdy.

Byltyr hýnta jeltoqsandaǵy saılaý qarsańynda úsh myńnan astam saıası tutqynǵa raqymshylyq jasap, 5580 adamǵa taǵylǵan aıypty alyp tastap, olardy bosatýǵa buıryq berdi.

Mıanma áskeri 2021 jyly tóńkeris kezinde bılikti basyp alyp, demokratııa úshin ulttyq lıga (NLD) basqaratyn saılanǵan úkimetti qulatty. Bılikti basyp alý jappaı azamattyq tolqýlarmen qatar júrdi. Narazylyq sharalary basylyp, myńdaǵan adam túrmege jabylǵan bolatyn.

Eske salaıyq, jyl sońynda Mıanmada jalpyulttyq saılaýdyń alǵashqy kezeńi aıaqtaldy.