Mıanma jaǵalaýynda taǵy da jer silkindi

ASTANA.KAZINFORM - Jer silkinisi týraly Eýropa-Jerorta teńizi seısmologııalyq ortalyǵy habarlady, dep jazady TASS.

Agenttik málimetinshe, jer silkinisiniń oshaǵy 4,5 mıllıonǵa jýyq adam turatyn ıAngon qalasynan ońtústikke qaraı 142 shaqyrym jerde jatyr. Jer silkinisiniń oshaǵy 10 km tereńdikte ornalasqan.

Qurban bolǵandar týraly aqparat joq.

Aıta keteıik, Qytaı jer silkinisi ulttyq ortalyǵynyń (CENC) málimetinshe, 28 naýryz kúni saǵat 14:20-da Mıanmada (soltústik endik 21,85 gradýs, shyǵys boılyq 95,95 gradýs) magnıtýdasy 7,9 bolatyn jer silkinisi tirkelgen. Jer silkinisiniń oshaǵy 30 shaqyrym tereńdikte ornalasqan.

Osyǵan deıin Mıanmadaǵy Mandalaı mańynda magnıtýdasy 5,1 baldyq jer silkinisi bolǵanyn habarladyq,

Mıanma premer-mınıstri bir aptalyq ulttyq aza tutý jarııalady.

Keıingi málimetter boıynsha Mıanmadaǵy jer silkinisinen qaza tapqandar sany 2 800-den asty.