Mıanma parlamenti Mın Aýn Hlaındy el prezıdenti etip saılady
ASTANA.KAZINFORM — Mın Aýn Hlaın depýtattardyń 584 daýysynyń 429-yn alyp, jeńiske jetken. Daýys berý sońǵy saılaý nátıjesinde qurylǵan birikken parlamentte ótti. Bul týraly Al Jazeera agenttigine silteme jasap, BELTA jazdy.
Agenttik deregine súıensek, bul saılaýda Odaqtyń yntymaq pen damý partııasy oryndardyń 80 paıyzdan astamyn ıelengen. Sonymen qatar parlamenttegi oryndardyń shamamen tórtten biri áskerı kúshterge tıesili.
Mın Aýn Hlaın prezıdenttikke usynylǵan úsh kandıdattyń biri bolǵan. Qalǵan eki kandıdat vıtse-prezıdent qyzmetine taǵaıyndaldy.
Ol 2011 jyldan beri Mıanma qarýly kúshteriniń bas qolbasshysy qyzmetin atqarǵan. Prezıdenttikke aýysýyna baılanysty bul qyzmetinen ketken. Onyń ornyna jaqyn serigi ári burynǵy áskerı barlaý basshysy Ie Vın Oo taǵaıyndaldy.
Aıta keteıik, buǵan deıin Qytaıda Mıanmadan ekstradıtsııalanǵan 41 myń alaıaq sottalǵan bolatyn.
