Mýzykamen jastaıynan aınalysý ıntellektini arttyrady
ASTANA. 14 aqpan. QazAqparat - Mýzykamen 7 jasqa deıin aınalysý balanyń ıntellektýaldyq qabiletterin shapshań damytýǵa járdemdesedi, dep habarlady Independent News.
Mýzykalyq mektepterdi bitirgen oqýshylardyń bári birdeı kásibı mýzykant bolyp shyqpas, degenmen olardyń aqyl-oı qabiletteriniń balalyq shaǵyn aýlada oınaýmen ótkizgen qatarlastarynan joǵary bolatyny anyqtalǵan.
Monreal nevrologııa ǵylymı-zertteý ınstıtýtynyń zertteýshileri jarııalaǵan maqalada osyndaı qorytyndylar keltirilgen.
Testileý barysynda jartysy 7-jasqa deıin, al ekinshi jartysy 7 jastan keıin mýzyka sabaqtaryna barǵan 36 kásibı mýzykanttardardyń mıyna tomografııa júrgizilgen. Olardyń birinshi tobynda qozǵalý daǵdylary jáne qozǵalystarynyń úılestirilýi jaqsy nátıje kórsetken, sondaı-aq bas mıynyń tomografııasy da tamasha nátıjeler bergen: bul adamdarda mı jartysharlary arasyndaǵy júıke baılanysynyń sany joǵary bolǵany anyqtalǵan.
Taǵy bir aıta keterligi, 7 jastan keıin mýzykalyq mektepke barǵan mýzykanttardyń kórsetkishteri mýzyka sabaqtaryna múldem barmaǵan adamdardikinen kóp ózgermegen bolyp shyqty.
