Mýzyka kúızelisten qutqarady
ASTANA. QazAqparat - Belfast Koroleva ýnıversıtetiniń mamandary mýzykanyń balalar men jasóspirimderdiń kúızelisti jeńýi úshin jaqsy áser etetinin anyqtady. Sonymen birge, mýzykalyq terapııa kóńil kúıi men tártibinde problemalary bar balalardyń ózin-ózi baǵalaýyn jaqsartyp, sóıleý jáne ınteraktıvti daǵdylaryn damyta alady. Bul týraly Day.Az habarlady.
Ǵalymdar tájirıbe júrgizip, oǵan 250 bala men jasóspirim qatysqan. Qatysýshylardy eki topqa bólgen. Bireýlerin dástúrli ádistermen emdese, basqalaryna medıtsınalyq preparattardan bólek mýzykalyq terapııany qoldanýdy usynǵan.
Nátıjesinde kún saıyn mýzykalyq terapııadan em qabyldap otyrǵan toptaǵy balalar durystala bastaǵan, kommýnıkatıvtik jáne ınteraktıvti daǵdylaryn kórsetip, kúızelisten arylǵan.
Ǵalymdar muny aıtarlyqtaı mańyzdy jańalyq dep otyr. Mýzykalyq terapııanyń tıimdiligi birinshi ret klınıkalyq túrde dáleldendi.
