MýzTV syılyǵyn tabys etý shoýyn M.Galkın, K.Sobchak júrgizedi
ASTANA. QazAqparat - Elordadaǵy «Astana-Arena» stadıonynda ótetin MýzTV syılyǵy tabys etý shoýyn Maksım Galkın, Ksenııa Sobchak júrgizedi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «MýzTV» telearnasynyń bas dırektory Arman Dáýletııarov málim etti.
Onyń atap ótýinshe, MýzTV syılyǵyn tabys etý kúninen bir kún buryn, ıaǵnı 4 maýsymda qazaqstandyq jáne reseılik óner juldyzdarynyń qatysýymen gala-kontsert ótetin bolady.
«Biz búgingi tańda keminde 25 reseılik, 25 qazaqstandyq ártis óner kórsetetindigin josparlap otyrmyz. Kontsert tegin bolady», - dedi ol.
A.Dáýletııarovtyń aıtýynsha, shoýdy Lera Kýdrıavtseva, Maksım Galkın jáne Ksenııa Sobchak júrgizetin bolady. Al tórtinshi júrgizýshiniń esimi ázirshe qupııa saqtalmaq.
«Biz kelissózder júrgizýdemiz. Hed-laıner esimi naýryz aıynyń sońynda jarııa etiletin bolady», - dedi A.Dáýletııarov.
