MýzTV syılyǵy alǵash ret Astanada tabys etiledi
ASTANA. QazAqparat - MýzTV syılyǵy alǵash ret Astanada tabys etiledi. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte atalǵan shoýdy uıymdastyrýshylar aıtty.
«Biz aǵymdaǵy jyly «MÝZ TV 2015-gravıtatsııa» syılyǵy Qazaqstanda, Astana qalasynda ótetindigine qýanyshtymyz», - dedi brıfıng barysynda MýzTV telearnasynyń júrgizýshisi Artem Shalımov.
Uıymdastyrýshylardyń aıtýynsha, mýzykalyq shoý besinshi maýsym kúni «Astana-Arena» stadıonynda ótetin bolady. Shoýdy 35 myńnan astam adamnyń tamashalaıtyndyǵy josparlanýda.
«Biz alǵash ret kórermen zalyna osynshama kólemde adamdardy jınaıtyn bolamyz jáne men kórsetiletin shoý barlyǵynyń da kóńilinen shyǵatyndyǵyna senimdimin», - dedi ol.
Uıymdastyrýshylardyń aqparatyna qaraǵanda, bul shoýdy júz mıllıonnan astam adam «Qazaqstan», «MýzTV» jáne basqa da reseılik federaldy, ulttyq telearnalar arqyly tamashalaıtyn bolady. Shoýǵa Reseı men Qazaqstannyń óner juldyzdary qatysady.
