Muztaý shyńyna shyǵamyn dep jaraqat alyp, esinen aıyrylǵan áıel tikushaqpen aýrýhanaǵa jetkizildi

ÓSKEMEN. QazAqparat – Shyǵys Qazaqstan oblysy Katonqaraǵaı aýdanynda Muztaý shyńyna shyǵamyn dep jaraqat alyp esinen aıyrylǵan áıel tikushaqpen aýrýhanaǵa jetkizildi, dep habarlaıdy QazAqparat tilshisi.

ShQO tótenshe jaǵdaılar departamenti baspasóz qyzmetiniń málimetine súıensek, oqıǵa 22 shildede Katonqaraǵaı aýdany Muztaý shyńyndaǵy Sársembaı ýchaskesinde bolǵan.

«Taýǵa shyǵyp bara jatqan 27 jastaǵy áıel attan qulap, jaraqat alyp, esinen aıyryldy. Sol jerge qutqarýshylar men dárigerler ShQO ákimdiginiń áýe bólimshesiniń MI-2 tikushaǵymen kelip jetti. Medıtsınalyq mekemeniń mamandary saıahatshynyń oń ıyǵynyń tómengi úshten bir bóliginiń jabyq synǵanyn anyqtady», - delingen aqparatta.

Qajetti alǵashqy medıtsınalyq kómek kórsetilgen soń ol tikushaqpen Katonqaraǵaı aýylynyń aýdanaralyq aýrýhanasyna jetkizildi.

Osy rette ShQO TJD týrısterge taýly jerlerde júrgende qaýipsizdik sharalaryn saqtaýǵa jáne barynsha abaı bolýǵa shaqyrdy.