Muztaý betinde erekshe óner kórsetken Brıtandyq ánshilerdi birneshe balyqshy ǵana tamashalady
ASTANA.QazAqparat - Brıtanııanyń The Defiled rok janryndaǵy metal-toby Grenland teńizindegi muztaýda án saldy, dep jazady «Moıa planeta».
Qozǵalmaly aısberg betinde The Defiled toby bir saǵatqa jýyq óner kórsetken. Álem boıynsha, muzdyń betinde qoıylǵan tuńǵysh kontsertti sol mańdaǵy Kýlýsýk aýylynyń balyqshylary qaıyqta otyryp tamashalady.
Brıtandyq ánshiler shyǵarmashylyq kesh ótkizetin jáne barlyq mýzykalyq aspaptardy kótere alatyn muztaýdy birneshe kún izdegen. Olarǵa jergilikti turǵyndar kómektesken. Óner kórsetken soń top músheleri aspaptaryn turǵyndarǵa syıǵa tartypty.
Bul erekeshe bastama «Jägermeister Ice Cold Gig» jobasynyń bir ǵana. Demeýshilerdiń talaby boıynsha, top músheleri áli talaı eń qolaısyz oryndarda án shyrqaýy kerek bolady.
