Mýzeıler men arhıvter qyzmetkerleri elorda ataýynyń ózgerýine pikir bildirdi
«Ózderińiz biletindeı, Qazaqstan halqy kesheden beri úlken saıası-tarıhı oqıǵanyń kýási bolyp otyr. Elbasy Nursultan Ábishuly Nazarbaev álemge áıgili uly tulǵa bolyp qala beretini sózsiz. Táýelsiz memleketimizdiń Tuńǵysh Prezıdenti óz taǵdyry týǵan halqynyń taǵdyrymen egiz ekenin aıtyp qana qoımaı, is júzinde dáleldep kele jatqan birtýar qaıratker. Ult kóshbasshysynyń elge degen qamqorlyǵy - sonyń bir ǵana dáleli. Sondyqtan da, óz qolymen irgetasyn qalaǵan astanamyzǵa elimizdiń Tuńǵysh Prezıdentiniń aty berilip, «Nursultan» dep atalyp jatsa, bek qýanyshtymyz jáne de barsha xalyq bolyp bul bastamany qoldaýǵa shaqyramyz!» - dep jazdy Ortalyq memlekettik ǵylymı-tehnıkalyq qujattama arhıvi ujymy Feısbýtegi paraqshasynda.
Budan bólek, QR Mádenıet jáne sport mınıstrligi «Esik» memlekettik tarıxı-mádenı qoryq mýzeıi ujymy Parlament palatalarynyń birlesken otyrysynda elordaǵa Elbasynyń esimin berý bastamasynyń talqylanýy tarıhı oqıǵa ekenin atap ótti. Osy oraıda mádenıet salasynyń mamandary áleýmettik jelide qalanyń jańa ataýyna qoldaý bildirdi.
