«Mýzeıdegi tún-2016» aktsııasy ótedi
ASTANA. QazAqparat - QR Ulttyq mýzeıinde 18 mamyr kúni Halyqaralyq mýzeı kúnine oraı «Mýzeıdegi tún-2016» aktsııasy ótedi. Bul týraly Ulttyq mýzeıdiń aqparattyq-ımıdjdik qyzmetinen habarlady.
Aktsııa barysynda Ulttyq mýzeı qonaqtary úshin kóne jáne qazirgi Qazaqstan tarıhy men mádenıetin tanystyratyn barlyq zaldarǵa tegin ekskýrsııalar uıymdastyrylady. Sondaı-aq, qazaqstandyq estrada juldyzdarynyń qatysýymen kontserttik baǵdarlama usynylady. Merekelik shara lazerlik shoýmen aıaqtalady.
Aıta keteıik, búgingi tańda "Mýzeıdegi tún" aktsııasyn ótkizý álemniń 40-tan astam elinde dástúrge aınalǵan. Qazaqstandaǵy birqatar mýzeıler de bul ataýly datany úlken daıyndyqpen qarsy alady. Ulttyq mýzeı atalmysh is-sharany osymen ekinshi ret ótkizgeli otyr. Ótken jyly dál osy aktsııaǵa 23 myńnan astam adam qatysqan bolatyn.
